20 Nomba ubushiku bwalenga shitatu bwali bushiku bwa kufyalwa kwa kwa Farao,+ kabili apekanishishe ababomfi bakwe bonse umutebeto kabili afumiishe* umukalamba wa balepeela imfumu ifya kunwa no mukalamba wa balemupangila umukate pa cinso ca babomfi bakwe. 21 Umukalamba wa balepeela imfumu ifya kunwa amubweseshe pa cifulo cakwe, kabili atwalilile ukupeela Farao ifya kunwa. 22 Lelo umukalamba wa balemupangila umukate ena alimukulike, nga filya fine Yosefe abelwilile.+