27 Nomba Yesu na basambi bakwe baile ku mishi ya ku Kaisarea Filipi, kabili mu nshila atendeke ukwipusha abasambi bakwe ati: “Bushe abantu batila nine ani?”+ 28 Nabo bamwaswike abati: “Batila nimwe Yohane Kabatisha,+ bambi batila, nimwe Eliya,+ e lyo bambi nabo batila, muli umo pali bakasesema.” 29 Lyena abepwishe ati: “Inga imwe mutila nine ani?” Petro amwaswike ati: “Nimwe Kristu.”+

18 Nomba ilyo ali eka alepepa, abasambi balishile uko ali, kabili abepwishe ati: “Bushe amabumba yatila nine ani?”+ 19 Nabo bamwaswike abati: “Bamo batila nimwe Yohane Kabatisha, e lyo bambi batila nimwe Eliya, bambi nabo batila ni umo pali bakasesema ba kale e wabuuka.”+ 20 Lyena abepwishe ati: “Inga imwe mutila nine ani?” Petro ayaswike ati: “Nimwe Kristu uo Lesa atuma.”+