5 Mulesunga amafunde yandi kabili mulekonka ubupingushi bwandi. Onse uwakulacita ifi, akaba no mweo.+ Nine Yehova.

25 Nomba moneni! umwaume umo uwaishibishe Amafunde aliminine pa kuti amweshe, kabili amwipwishe ati: “Mwe Kasambilisha, cinshi mfwile ukucita pa kuti nkakwate umweo wa muyayaya?”+ 26 Na o Yesu amwipwishe ati: “Finshi fyalembwa mu Mafunde? Bushe walyumfwa ifyo yalanda?” 27 Na o ayaswike ati: “Yatila, ‘Uletemwa Yehova* Lesa obe no mutima obe onse, no mweo* obe onse, na maka yobe yonse, no kutontonkanya kobe konse,’+ no kuti ‘uletemwa umunobe nge fyo waitemwa we mwine.’”+ 28 E lyo amwebele ati: “Wa-asuka bwino; ulecita ifyo fine lyena ukaba no mweo.”+