10 Yesu alandile ati: “Ebeni abantu bekale panshi.” Na kuba pali ilya ncende pali icani icingi. E ico abantu balikele panshi. Bali nalimo abaume 5,000.+ 11 Lyena Yesu abuulile imikate, kabili ilyo atooteele Lesa, ayakenye abaikele panshi. Ifi fine e fyo acitile na ku tusabi kabili abantu baliliile baikuta no kwikuta. 12 Lelo ilyo baikwite, aebele abasambi bakwe ati: “Longanyeni ifishelepo, pa kuti twipoosapo nangu kamo.” 13 E ico balongenye ifyasheleko ku mikate 5, ifyo abaliile bashilepo, kabili ifyashelepo fyaiswile imiseke 12.