5 “Ukalebuula ubuunga ubwapeleka kabili ukalepangamo imikate 12. Mu buunga bwa mu ma oma yabili,* mukalepangamo umukate umo. 6 Ukapampikanye imikate mu miina ibili pe tebulo lya golde iyalopololwa pa cinso ca kwa Yehova.+ Pa mwina umo,+ pakabe imikate 6 na pa mwina umbi imikate 6. 7 Ulingile ukubika ububani bwabuuta ubusuma nga nshi pa muulu wa mwina umo na umo, pa kuti bukabe ngo mukate wa kwimininako umutuulo onse,*+ umutuulo wa kwa Yehova uwa pa mulilo. 8 Lyonse pe Sabata akaleteyanya umukate pa cinso ca kwa Yehova.+ Ici cipangano ca muyayaya ico napangana na bena Israele. 9 Umukate ukabe wa kwa Aarone na bana bakwe abaume,+ kabili bakaleuliila pa cifulo ca mushilo.+ Pantu uyu, mutulo wa mushilo nga nshi uwa kwa shimapepo uwa pa mituulo ya kwa Yehova iya pa mulilo. Ili lifunde lya muyayaya.”