18 Pali ilya nshita abasambi baile kuli Yesu e lyo bamwipusha abati: “Bushe nani akaba umukalamba pali bonse mu Bufumu bwa mu muulu?”+ 2 E ico aitile umwana umunono, e lyo amwiminika pa ntanshi yabo. 3 Lyena abebele ati: “Ndemweba icine cine nati, Nga tamwalwike* no kuba nga abana abanono,+ tamwakengile mu Bufumu bwa mu muulu.+ 4 E ico onse uwaicefya kabili uuimona ngo yu mwana umunono, e mukalamba pali bonse mu Bufumu bwa mu muulu;+ 5 kabili onse uwapokelela umwana umunono umo ngo yu pa mulandu we shina lyandi, ninshi na ine nampokelela.

33 Lyena bafikile mu Kapernahumu. Nomba ilyo ali mu ng’anda abepwishe ati: “Cinshi mwacilakansaninapo mu nshila?”+ 34 Nabo baikele fye tondolo, pantu mu nshila balekansanina pa wali umukalamba pali bena 35 E ico alikele aita na batumwa bakwe 12 e lyo abeba ati: “Umuntu nga alefwaya ukuba umukalamba, afwile ukuba uwacepesha pali bonse kabili afwile ukulabombela bonse.”+ 36 Lyena abuulile umwana umunono, amwiminika pa ntanshi yabo, amwikata na pa mabeya e lyo aeba abatumwa bakwe ati: 37 “Onse uwapokelela umo pa bana banono+ ngo yu pa mulandu we shina lyandi, ninshi na ine ampokelela; na onse uwampokelela, ninshi te ine neka apokelela, lelo apokelela no wantumine.”+

24 Lelo batampile ukukansanina pa wali umukalamba pali bena.+