21 “We bulanda kuli mwe bena Korasini! We bulanda kuli mwe bena Betsaida! pantu ifipesha amano ifyacitike mu misumba yenu aficitika mu Turi na mu Sidone, abekashi ba muli iyi misumba nga ni kale balapiile, nga balifwele insamu kabili nga balikele mu mito.+ 22 E ico ndemweba nati, pa Bushiku bwa Bupingushi cikaba eyefilyako ku bena Turi na bena Sidone ukucila ifyo cikaba kuli imwe.+ 23 Na imwe mwe bena Kapernahumu,+ bushe mu kaya ku muulu? Awe mukaya ku Nshiishi.*+ Pantu abaleikala mu musumba wa Sodomu abamona ifipesha amano ifyacitike mu musumba wenu, umusumba wabo nga e po uli ukufika na lelo.