9 Mwisenda golde nangu silfere nelyo umukuba mu fikwama fya mu mishipi,+ 10 nangu icola ca fya kulya fya pa lwendo, nelyo ifya kufwala fibili,* nangu indyato nelyo inkonto,+ pantu umubomfi alilinga ukumupeela ifya kulya.+

7 Nomba aitile abatumwa 12, e lyo atampa ukubatuma babili babili,+ kabili abapeele amaka ya kufumya imipashi iyakowela.+ 8 Na kabili abebele ukuti tabalingile ukusenda nangu cimo pa lwendo kano fye inkonto. Alibakenye ukusenda umukate, icola ca fya kulya, nangu ni ndalama* mu fikwama fya mu mishipi yabo.+ 9 Alibasuminishe ukufwala indyato, lelo alibakenye ukusenda ifya kufwala fibili.*

2 Kabili abatumine mu kubila pa Bufumu bwa kwa Lesa no kundapa abalwele, 3 kabili abebele ati: “Ilyo muleya tamufwile ukusenda nangu cimo, nampo nga ni nkonto, nangu cola ca fya kulya, nangu mukate nangu ni ndalama;* nangu fya kufwala fibili.*+