5 Lelo malaika aebele abanakashi ati: “Mwitiina, pantu ninjishiba ukuti mulefwaya Yesu uo baipaile pa cimuti.+ 6 Taliko kuno, pantu nabuushiwa nga filya fine alandile.+ Iseni mumone apo umubili wakwe wali. 7 Nomba kabiyeni bwangu bwangu mwebe abasambi bakwe ukuti nabuuka ku bafwa, mubebe no kuti, alemutangilila ku Galili.+ E ko mukayamumwena. Moneni, ine namweba.”+

5 Ilyo baingile mu nshiishi bamwene umulumendo naikala lubali ku kulyo nafwala ne ca kufwala icabuuta, e ico balipapile nga nshi. 6 Na o abebele ati: “Mwipapa.+ Ninjishiba mulefwaya Yesu umwina Nasarete uo baipaile pa cimuti. Nabuushiwa,+ tali muno. Moneni apo bamulalike.+ 7 Nomba kabiyeni, muye-eba abasambi bakwe na Petro amuti, ‘Alemutangilila ku Galili.+ E ko mukayamumwena, nga filya fine amwebele.’”+