• Amalango 12:5, 6
    Baibo—Amalembo ya Calo Cipya

    • 5 Lelo pa cifulo ico Yehova Lesa wenu akasala ukubikapo ishina lyakwe mu mikowa yenu yonse kabili apo akalaikala, epo mukaleya mu kupepela.+ 6 Kuli ico cine icifulo e ko mukaletwala imituulo yenu iya koca,+ amalambo yenu, conse icalenga 10,+ imisangulo ya mu minwe yenu,+ imituulo ya mulapo wenu, imituulo yenu iya kuitemenwa+ na mabeli ya ng’ombe shenu na ya mpaanga shenu ne mbushi.+

  • 1 Ishamfumu 9:3
    Baibo—Amalembo ya Calo Cipya

    • 3 Yehova amwebele ati: “Ning’umfwa ipepo lyobe ne fyo wanombele ukuti imbe ne cikuuku kuli iwe. Ninenga iyi ng’anda iyo ukuulile ibe iya mushilo kabili ishina lyandi likaba pali iyi ng’anda+ umuyayaya. Amenso yandi no mutima wandi fyakulaba pali iyi ng’anda+ lyonse.

  • Amalumbo 122:utulembo twa pa muulu-9
    Baibo—Amalembo ya Calo Cipya

    • Ulwimbo lwa Baleninika. Ulwimbo lwa kwa Davidi.

      122 Nalisekelele ilyo banjebele abati:

      “Natuleya ku ng’anda ya kwa Yehova.”+

       2 Kabili nomba amakasa yesu yeminine

      Mu mpongolo shobe, we Yerusalemu.+

       3 Yerusalemu baikuula ngo musumba

      Umwaba ifikuulwa ifyatitikana.+

       4 Imikowa e ko iya,

      Imikowa ya kwa Jah,*

      Nga fintu abena Israele balebebukishako ukuti

      Balelumbanya ishina lya kwa Yehova.+

       5 Pantu kulya e ko batekele ifipuna fya bupingushi,+

      Ifipuna fya bufumu ifya ba mu ng’anda ya kwa Davidi.+

       6 Lombeni ukuti mu Yerusalemu+ mube umutende.

      Abakutemwa we musumba bakacingililwa.

       7 Umutende nautwalilile ukuba mu malinga yobe,

      Impungu shobe ishakosa nashicingililwe.

       8 Pa mulandu wa kuti nalitemwa bamunyinane na banandi, ndetila:

      “Na mube umutende muli iwe.”

       9 Pa mulandu wa ng’anda ya kwa Yehova Lesa wesu,+

      Nakulakupepelako ukuti ifisuma filecitika muli iwe.