69 Nomba ilyo Petro ali panse mu lubansa, umubomfi umukashana aishile kuli ena e lyo amweba ati: “Na iwe wine wali pamo na Yesu umwina Galili!”+ 70 Lelo alikeene pa menso ya bonse ati: “Nshishibe ifyo ulelandapo.”

66 Nomba ilyo Petro ali mu lubansa, kwali umubomfi umukashana uwa kwa shimapepo mukalamba uwaishile.+ 67 Ilyo amwene Petro aleonta umulilo, alimulolekeshe, e lyo amweba ati: “Na iwe wine wali pamo no yu Yesu, umwina Nasarete.” 68 Lelo alikeene, atile: “Nshimwishibe kabili nshishibe ne fyo ulelandapo.” Lyena afumine mu lubansa aya pa mpongolo.

55 Ilyo bakoseshe umulilo pa kati ka lubansa, baikala na pamo, Petro na o alikele apo bali.+ 56 Lelo ilyo umubomfi umo umukashana amumwene naikala ku mulilo, alimulolekeshe e lyo alanda ati: “No yu aleba nankwe.” 57 Lelo alikeene, atile: “We mwanakashi we, ine uyu muntu nshimwishibe.”

25 Nomba Simone Petro aliminine aleonta umulilo. Lyena bamwipwishe abati: “Bushe na iwe tauli musambi wa uyu muntu?” Na o alikeene ati: “Awe nshili musambi wakwe.”+