• Yeremia 51:7, 8
    Baibo—Amalembo ya Calo Cipya

    •  7 Babiloni aba nga kapu ya golde mu minwe ya kwa Yehova;

      Alilengele inko shonse isha pe sonde shakolwa.

      Inko shalinwa umwangashi wakwe;+

      E co inko shapenena.+

       8 Babiloni nawa mu kupumikisha kabili nabongoloka.+

      Muloosheni!+

      Mutwalileni balsamu ya kunashako ubukali bwakwe; nalimo kuti apola.”

  • Ukusokolola 17:1, 2
    Baibo—Amalembo ya Calo Cipya

    • 17 Umo pali bamalaika 7 abakwete imbale shafonka 7+ aishile kuli ine no kunjeba ati: “Isa, nalakulanga ifyo cilende mukalamba uwaikala pa menshi ayengi+ akapingulwa, 2 uo ishamfumu sha pe sonde shacitile nankwe ubulalelale,*+ kabili uo aba pe sonde bakolelwe umwangashi wa mu bulalelale* bwakwe.”+

  • Ukusokolola 18:2, 3
    Baibo—Amalembo ya Calo Cipya

    • 2 Kabili abilikishe mwi shiwi ilikalamba ati: “Nawa! Babiloni Mukalamba nawa,+ kabili nomba e mo ifibanda fileikala, e mulefisama ne mipashi yonse iyakowela* ne fyuni fyonse ifyakowela kabili ifyo abantu bapata!+ 3 Pantu inko shonse shalinwako umwangashi uulenga alefwaya* sana ukucita ubulalelale,*+ ne mfumu sha pe sonde shalecita nankwe ubulalelale,+ kabili bashimakwebo* ba pe sonde balinonkele ifyuma pa mulandu wa fyuma ifingi ifyo anonkela mu kucita ifya nsoni.”