Yobo

 2 “Ntekanishisha panono ilyo ndelondolola,

Pantu ncili ne fya kulandilako Lesa.

 3 Nalalondolola fye fyonse ifyo naishiba,

Kabili nalalanda ukuti Kalenga wandi+ e mulungami.

 4 Ifyo ndelanda fya cine, te fya bufi iyo;

Uwaishiba fyonse+ ali pa ntanshi yobe.

 5 Cine cine Lesa alikwata amaka+ kabili tasuula nangu umo;

Alikwatisha amaka ya kwiluka.*

 6 Takapusushe imyeo ya babifi,+

Lelo akaba no mulinganya kubo bacusha.+

 7 Tafumya amenso yakwe pa balungama;+

Alababika pa fipuna fya bufumu,*+ kabili balaba pa fifulo fya pa muulu umuyayaya.

 8 Lelo nga babakaka na maceni

Kabili baikatwa mu ntambo sha bucushi,

 9 Alabeba ifyabipa ifyo bacita,

Icilenga balebembuka ni co baliba ne cilumba.

10 Alacilukula amatwi yabo pa kuti bomfwe ifyo alebalungika

Kabili alabeba ukuti baleke ukucita ifyabipa.+

11 Nga balamumfwila kabili balamubombela,

Ifintu fikalabendela bwino inshiku shonse isho bakaba no mweo,

Kabili bakalasekelela imyaka yonse iyo bakaba no mweo.+

12 Lelo nga tabalemumfwila, bakafwa ku lupanga*+

Kabili bakafwa ukwabula ukuti banonke amano.

14 Bafwa* ninshi bacili abaice,+

Bafwila pamo na baume abacita bucilende pe tempele.+

15 Lelo Lesa alapokolola abo bacusha;

Alacilukula amatwi yabo ilyo balebacusha.

16 Alakufumya mu bucushi+

No ku kutwala mu ncende iyacingililwa umushaba amacushi,+

Alabika ifya kulya ifyawamisha pe tebulo lyobe, pa kuti akusansamushe.+

17 Lyena ukatemwa ifyo akapingula ababifi,+

Ilyo akabapingula kabili ilyo kukaba umulinganya.

18 Lelo ucenjele pantu ubukali kuti bwalenga wacita ifyabipa,*+

Kabili taufwile ukuleka ubwingi bwa mafisakanwa bwalenga wabembuka.

19 Bushe nga wapunda mutuule kuti cakwafwa

Nelyo nga wabombesha kuti waifumya mu bucushi?+

20 Wilafwaisha inshita ya bushiku,

Ilyo abantu bafwa.

21 Ucenjele pa kuti witendeka ukucita ifyabipa,

Pantu ici e co wasala ukucila ubucushi.+

22 Mona! Lesa alisumbukisha pa mulandu wa maka yakwe;

Ni kasambilisha nshi uwaba nga ena?

23 Nani uwamutungululapo*+

Nelyo uwamwebapo ukuti, ‘Ifyo ulecita tafiweme’?+

24 Wilalaba ukulumbanya imilimo yakwe,+

Iyo abantu bembapo mu nyimbo.+

25 Abantu bonse balimonapo imilimo yakwe,

Umuntu umwina kufwa alamona imilimo ya kwa Lesa ninshi ali akatalamukila.

26 Lesa mukalamba ukucila ifyo twaishiba;+

Imyaka yakwe te kuti tuishibe bwino.+

27 Alalenga amatoni ya menshi yaya mu muulu nga fubefube;+

Yalakosa e lyo yaba imfula;

28 Lyena amakumbi yalalosha imfula;+

Kabili yalalenga abantu bakwata amenshi.

29 Nani engeluka ifyo ayansa amakumbi,

Ne fibulukutu ififuma mwi tenti* lyakwe?+

30 Mona ifyo asalanganya ulubuuto lwa nkuba yakwe+ pa makumbi

Kabili ifyo afimba panshi* ya bemba.

31 Ifi e fyo abomfya pa kupeela abantu ifya kulya;*

Alabapeela ifya kulya ifingi.+

32 Indupi shakwe shifimba pa lubuuto lwa nkuba,

Kabili alenga inkuba yaponena apo alefwaya iponene.+

33 Ukupanta kwa nkuba kulashimika pali ena,

Ne fitekwa na fyo filasobela uuleisa.