Amalumbo

132 Mwe Yehova ibukisheni Davidi,

Ibukisheni no kucula+ kwakwe konse;

 2 Mwe Yehova ibukisheni ifyo alapile kuli imwe,

Mwe Lesa Wa Maka uwa kwa Yakobo.+ Davidi alapile kuli imwe ati:

Nshakalaale pa ca kulaalapo candi, pa busanshi bwandi;

 4 Nshakaleke amenso yandi yakalaale,

Nelyo ukushipula

 5 Mpaka nkasangile Yehova icifulo,

Icifulo icisuma* ica kwikalapo Uwa Maka uwa kwa Yakobo.”+

 6 Moneni! Twalyumfwile pali cena mu Efrata,+

Twacisangile mu mutengo.+

 7 Natwingile umo ekala;*+

Natukontame pa cipuna ca makasa yakwe.+

 8 Imeni mwe Yehova, muye ku cifulo cenu ica kutuushishako,+

Imwe ne Cipao ico mubomfya pa kulanga amaka yenu.+

 9 Bashimapepo benu nabafwale ubulungami,

Kabili ababa ne cishinka kuli imwe nabasekelele.

10 Pa mulandu wa kwa Davidi umubomfi wenu,

Mwikaana* uo mwasuba.+

11 Yehova alilapa kuli Davidi;

Nangu cibe shani akafikilisha ifyo alaile ukuti:

“Umo pa bana bobe,*

E o nkateka pa cipuna cobe ica bufumu.+

12 Abana bobe nga basunga icipangano candi

Na mafunde* ayo mbasambilisha,+

Ninshi na bana babo nabo bakekala umuyayaya+

Pa cipuna cobe ica bufumu.”

13 Pantu Yehova alisala Sione;+

E mo afwaya ukulaikala.+ Atila:

14 “Ici e cifulo candi umo nkalatuushisha umuyayaya;

E mo nkalaikala,+ pantu e mo natemwa.

15 Nkalenga muli ici icifulo mukabe ifya kulya ifingi;

Abapiina ba muli ici cifulo nkabapeela ifya kulya+ ica kuti bakekuta.

16 Bashimapepo ba ciko nkabafwika ipusukilo;+

Na ba cishinka ababamo bakasekelela.+

18 Abalwani bakwe nkabafwika umuseebanya,

Lelo icilongwe* cikaba ku mutwe wakwe lyonse.”+