Amalumbo

 2 Natuleya pa cinso cakwe tumutootele;+

Natumwimbile ulwimbo lwa kucimfya.

 3 Pantu Yehova ni Lesa mukulu,

Ni Mfumu iikalamba iyacila tulesa tonse,+

 4 Incende ishashika isha pano isonde shaba mu kuboko kwakwe;

Impili ishitali na sho shakwe;+

 5 Bemba iyo apangile yakwe,+

Kabili amaboko yakwe e yapangile umulundu.+

 6 Iseni tupepe Lesa no kumukontamina;

Natufukamine Yehova Uwatupangile.+

 7 Pantu ni Lesa wesu,

Kabili tuli bantu bakwe abo acema.

Tuli mpaanga isho asakamana.*+

Nga mwaumfwa ishiwi lyakwe buno bushiku,+

 8 Mwileka imitima yenu ikose nga filya bashinwe bacitile mu Meriba,*+

Kabili nga filya bacitile mu Masa* mu matololo,+

 9 Ilyo banjeseshe;+

Tabancetekele nangu ca kuti balimwene ifyo nacitile.+

“Aba bantu bakonkelela imitima yabo;

Tabakonka inshila shandi.”