Amalumbo

Ulwimbo lwa kwa Davidi.

101 Nkemba pa kutemwa ukushipwa na pa mulinganya.

Nkamwimbila inyimbo sha kumulumbanya* mwe Yehova.

2 Nkalailuka ifintu kabili nkaba uwa kaele.

Ni lilali mukesa mu kungafwa?

Umutima wandi+ ukaba uwa kaele ilyo nkalaenda mu ng’anda yandi.

3 Nshakabike ifyabipa* pa ntanshi yandi.

Nalipata ifyo abaleka ukucita ifyalungama bacita;+

Nshakaciteko ifyo bacita.*

4 Uwakwata umutima uushalungama tampalama;

Nshakasumine* ukucita ifyabipa.

5 Onse uwamba umunankwe mu bumfisolo pa kuti amonawile ishina,+

Nkamutalalika.*

Onse uwaba na menso ya matutumuko no mutima wa cilumba,

Nshakamulekepo fye.

6 Nkalolesha ababa ne cishinka kuli imwe pano isonde,

Pa kuti bakekale na ine.

Onse uushaba no mulandu* e ukamombela.

7 Uwa bucenjeshi takekale mu ng’anda yandi,

No wa bufi takeminine apo ndi.*

8 Cila lucelo nkalatalalika* ababifi bonse aba pe sonde,

Nkalofya bonse abacita ifyabipa mu musumba wa kwa Yehova.+