Amapinda
4 Mwe bana bandi, muleumfwa shinwe nga alemusalapula;+
Mulebikako amano pa kuti muleiluka,
2 Pantu nalamusambilisha ifisuma;*
Mwisuula ifyo nalamusambilisha.+
4 Alensambilisha kabili alenjeba ati: “Umutima obe ulesunga ifyo nkweba.+
Ulekonka amafunde yandi pa kuti ukekale inshiku ishingi.+
5 Nonka amano, nonka ukwiluka.+
Wilaba ifyo nkweba, kabili wilaleka ukufikonka.
6 Wisha amano, nayo yakakucingilila.
Uyatemwe, nayo yakakulinda.
8 Uyacindamike sana, nayo yakalenga ukabe pa muulu.+
Yakakucindamika nga wayekatisha.+
12 Ilyo ule-enda takwakabe icikacilikila intampulo shobe;
Kabili nga wabutuka tawakaipunune.
13 Uleikatisha ukusalapula; wilakulekelako.+
Ulekusunga, pantu e lyo ukatwalilila ukuba uwa mweo.+
16 Pantu tabalaala nga tabacitilepo ifyabipa.
Balafufya utulo mpaka bawisha umuntu.
17 Balya ifya kulya fya bubifi,
Kabili banwa umwangashi wa bunkalwe.
18 Lelo inshila ya balungama yaba ngo lubuuto lwa lucelo
Uluya lulebuutilako fye mpaka akasuba kafika pa kati.+
19 Mu nshila ya babifi mwaliba imfifi;
Tabeshiba icilenga baipunune.
21 Wikaleka yakafume pa ntanshi yobe;
Mu mutima obe e mo uleyasungila.+
22 Pantu abayasanga balaba no mweo+
Kabili umubili wabo onse* ulaba no bumi busuma.
23 Pa fintu fyonse ifyo ucingilila, ulecingilila sana umutima obe,+
Pantu mu mutima e mwaba utumfukumfuku twa mweo.
26 Ulefumya mu nshila fyonse ifyo amakasa yobe+ yengaipununako,*
Kabili inshila shobe shonse shikacingililwa.
27 Wilayalukila ku kulyo nelyo ku kuso.+
Uletalusha amakasa yobe ku fyabipa.