“Ba Nsansa Aba Luse!”

1. Yehova Lesa wa nsansa,

Kabili wa luse nga nshi.

Alatupeela ifintu

Ifyo tukabila lyonse.

Alatwelela ne membu

Nga ca kuti twalapila.

Alatubelelo luse

Pantu tatwapwililika.

2. Nga tulefwayo kwelelwa

Ilyo twacito lubembu,

Yesu Kristu alitweba

’Cingalenga twaelelwa.

Atile ntanshi tufwile

Ukwelela abanensu.

E lyo Lesa katwelela,

Tukakwata no mutende.

3. Ilyo tupeela ubupe

Ku bantu ababulisha,

Tufwayo kubafwilisha,

Te kufwayo kutashiwa.

Nga tuleafwa abantu,

Lesa alamona fyonse.

Akatupeele cilambu,

Pantu atemwa ba luse.