Mulandu Nshi Yehova Asokolwela Ishina Lyakwe?

Ukulandapo pa “Cipingo ca Kale” ukwasabankanishiwe mu Poland mu 1964 kwaaswike ici cipusho mu nshila ya kulenga ukutontonkanya. Pe samba lya kupeelwa ulusa lwa kusabankanya icitabo kwi Calici lya ciRoma Katolika, Dr. Stanisław Łach, profesa pa Universiti ya Lublin, amwene ukuti:

“Abantu balubulwa balishingamwa kwi shina lwa kwa Lesa pa ntanshi ya mutundu wa muntu.” Cali cishingamo ca bena Israele ukucita ukubombesha pa “Abena fyalo ukuti bapaale ishina ilya kwa Jahwe (Yehova) no kuti belipontela.” “Jahwe yalikwata ubupilibulo . . . Icalo cikapingulwa ukushintilila pa kwankulako kuli abo basumina ilyo shina.” Profesa abilishe ukuti “ishina Jahwe likaba ilikulu pa kati ka nko . . . Likaanana icalo conse. Ubu bwali e buyo bwa . . . ilyo shina kuli Mose.”

Ee, nga fintu Malaki 1:11 asesema ukuti: “Lyalikule shina lyandi mu nko, e fyo Yehova wa milalo asosa.” Kabili ni bani ilelo balebilisha ilyo shina mu kusalala kwa calo ica kuti “onse uukalilila kwi shina lya kwa [Yehova, NW] akapusuka”? Ni Nte sha kwa Yehova! Ukwankulako kwa cintubwingi kuli aba “bantu ba pe shina lyakwe,” ee, “abasumina muli ilyo shina,” caba mulandu wa bumi ne mfwa kuli bene. Cinshi caba ukwankulako kobe kuli Yehova na ku Nte shakwe?—Imilimo 2:21; 15:14; linganyeniko Malaki 3:16-18.