“Shibomba ngo kutungulula kwa kwafwilisha ku bumi bwa cila bushiku”

Ifyo e fintu umwanakashi ukufuma ku Toronto, Canada, aitile impapulo sha Watch Tower Bible and Tract Society. “Ndaipakisha ukushibelenga no kusanga ifyebo ukuba ifya kufunda nga nshi, ifya kukafyo mutima, kabili pa mulu wa fyonse shibomba nge ca kutungulula ku bumi bwa cila bushiku.”

Alundilepo ukuti: “Nalipwisha amasambililo ya ku university, kabili ningile ukusumina mu kupapushiwa ukuti ninsambilila ifyafulilako nga nshi ukupitila mu mpapulo shenu ukucila imyaka yandi yonse iya kusambilila. Ukucilisha naipakishe icitabo cenu ica Ukulenga Ubumi bwa Lupwa Lobe Ubwa Nsansa. Takwaba impapulo ishili shonse ishaesha ukukwata ukwebekesha kwashininkishiwa ukwa musango yo pa bumi bwandi nga fintu ishenu shacita—shalingafwilisha apakalamba; kabili pali ici ndemutasha icine cine.”

Icitabo cilumbwilwe pa mulu, Ukulenga Ubumi bwa Lupwa Lobe Ubwa Nsansa, cipeela imitubululo ya kulungatika iyafwa ukupikulula impika no kulenga icupo ica kusekesha nga fintu Kabumba acifwaile ukuba. Kuli kope obe, isusha no kutuma akapepala.

Kuti natemwa ukupokelela icitabo ca nkupo yakosa ica mabula 192 Ukulenga Ubumi bwa Lupwa Lobe Ubwa Nsansa. (Ku nse ya Zambia, lembela umusambo wa mu mwenu uwa Watch Tower ku fyebo. Moneni ibula 2.)