Ni Nshita Nshi iya ku Ntanshi iya Bacaice Besu?

ICINTIINYA ca manyukiliya—nampo nga kufuma ku mabomba ya tupondo nelyo ukufuma mu busanso bwa pa fifulo fya manyukiliya—buleshininda pali bonse. Kuti pambi mwasakamikwa ukucilisha pa lwa bacaice, ukusanshako abana benu bene nelyo abeshikulu. Fintu cili ica kulengo bulanda ukwishiba ukuti icintiinya ca manyukiliya ciletiinya ubutuntulu bwa bumi ne nshita ya ku ntanshi ifya mwana uuli onse.

Lelo mwitentuka. Kuliko umulandu wa kwenekela ifisuma pa lwa nshita ya ku ntanshi iya bacaice. Ishinte lye subilo lishinguluka, te pa kubombesha kwa bantunse ku kucingilila abacaice besu, lelo pa nshita ya ku ntanshi iyaba mu maboko ya kwa Kabumba wesu.

Lintu Umwana wa kwa Lesa, Yesu, asambilishe mu Middle East, alangishe ukwangwako ku bacaice. (Marko 9:36, 37, 42; 10:13-16) Baibolo ilangisha ukuti ukwangwako kwapalako kukabelebeshiwa lintu Lesa mu kupelako akapwisha icintiinya ca manyukiliya no kupampamika paradise wa mu cibulungwa. Abacaice besu kuti baipakishe co, ne mwe bene kuti mwaipakisha.

Nga mwingafwaya ifyebo fyalundwapo nelyo nga mwingatemwa ukukwata umo ukumutandalila ku kutungulula isambililo lya Baibolo ilya mu ŋanda ilya pa fye kuli imwe, twapaapaata lembeleni ku Watch Tower, Box 33459, Lusaka 10101, nelyo kuli adresi yalinga iitantikwe pe bula 2.