Inkondo Intu Umwanda wa Myaka Uwalenga 19 Wapwililepo

1914

KALEMBA wa mikululo Charley Reese lintu alelanda pa fyo abantu balemona kwati ifya kale fyalipita, ne fyo baali no kuipakisha ifisuma, alembele mwi pepala lya The Orlando Sentinel ukuti: “Inkondo ya 1914 ukufika 1918 iyapwililepo umwanda wa myaka uwalenga 19, mwilamona kwati yalipwa.” Aloseshe mwi? Alondolwele ukuti: “Ubushiku balemba pali kalenda nga bwapita te kweba ati ninshi mwalaba ne fyacitike kale. Nga kukonka ifyo abantu baaleikala, amatukuto yabo, imicitile yabo ne fyo baleenekela, tabafilabileko pa Jan. 1, 1901. Kanshi ninshi umwanda wa myaka uwalenga 19 e po wali. E co kanshi wapwile mu 1914, kuti twatila no mwanda wa myaka uwalenga 20 e po watendekeele. . . .

“Ukushenkana konse uku twasanga pano calo ukutulwalika umo shacela kwatendeke mu 1914. Ni cikanga tutile fye fyonse ifya kusomasoma na matukuto yonse mu bwikashi ayalipo pali ndakai, fyatendekeele pali ilya ine nkondo. . . .

“Mu kumona kwandi ilya nkondo yalikalipishe pantu yalengele abantu ukulabililako fye ku fyo baletontonkanya ati limbi kuti baishiba ifyo cikaba ku ntanshi. . . . Ifyalo fyabalamwine ilya nkondo balemona kwati lwa mwana useka. Yasukile yabongolola amabuteko ya fyalo fya Britain na France. Abantu bonse abengacitapo ifyalondoloka abaalipo mu Britain, France na Germany yalibalofeshe. . . . Yapyangile abantu amamilyoni 11 mu kashita nyunsu.”

Napapita ne myaka ukucila 120 apo Inte sha kwa Yehova batendekela ukulando kuti ilya nshita iyo Yesu atile “iya bena fyalo” yalipwile mu 1914. (Luka 21:24) Ulya wine mwaka, Yesu Kristu uwabuushiwa no kukatamikwa, atekelwe pa cipuna ca Bufumu ukulateka mu Bufumu bwa ku muulu. Yehova Lesa akabomfya ubo bwine Bufumu ukufumyapo umupwilapo ubucushi bonse ubo twamona muli uno mwanda wa myaka.—-Ilumbo 37:10, 11; Lukala Milandu 8:9; Ukusokolola 21:3, 4.

[Abatusuminishe Ukubomfya Icikope pe bula 32]

U.S. National Archives photo