“Bushe Abantunse Bakonaula Lino Isonde?”

● Nga muli mu lwelele, isonde lilamoneka bwino sana. Nomba nga twalolesha ifilecitika mwi sonde, tusanga ukuti mwaliba amafya icine cine. Mulandu nshi? Pantu abantu tabasunga bwino isonde. Ne cabipisha ca kuti, tabaleonaula fye isonde ku filikowesha, ukutemaula imiti, no kukanalisunga bwino, lelo balelyonaula pantu tabomfwila Lesa kabili baliba no lukaakala, balepayana, e lyo balacita no bulalelale.

Ifi fintu fyabipa ifilecitika pali ino nshita fyalisobelwe kale sana mu kusesema kwaba mu Baibolo, imyaka nalimo 2,000 iyapita. (2 Timote 3:1-5; Ukusokolola 11:18) Baibolo yalisobele no kuti ni Lesa fye e ukawamya ifintu, te bantunse nakalya. Aya malyashi yacindama bakayalandapo mu lyashi lya ku cintubwingi ilikalati “Bushe Abantunse Bakonaula Lino Isonde?” Ili lyashi likalandwa pa Kulongana kwa Citungu ukwa Nte sha kwa Yehova ukukalati ‘Ubufumu bwa kwa Lesa Nabwise!’ Uku kulongana kukatendeka mu May ku America kabili kukatwalilila mu myeshi iikakonkapo mu calo conse.

Tulemwita ukwisasangwa kuli uku kulongana ukukabela mupepi no ko mwikala. Nga mulefwaya ukwishiba ukukabela uku kulongana ne nshiku kukabelapo, kuti mwaipusha Inte sha kwa Yehova nelyo kuti mwalembela ku balemba ino magazini. Kuti mwamona adresi yalinga pe bula 4.