Ukubilisha

◼ Ulupapulo luli no kubomfiwa mu February: Kuti Waikala Kuli Pe na pe muli Paradise Pe Sonde. Ukwashalikwa ici citabo kulingile ukukonkwapo ne fipempu fya kubwelelamo, kabili kulingile ukubako ukubombesha kwa kutampa amasambililo ya Baibolo. March: Ukusokolola—Akalume ka Kuko Kakalamba Nakapalama! April na May: Kampeini wa kulembesha kwa Ulupungu lwa kwa Kalinda.

◼ Kalemba na kangalila wa mulimo balingile ukupituluka mu mibombele ya bapainiya ba nshita yonse bonse. Nga ca kuti abali bonse balesanga ubwafya mu kufikilisha icifwaikwa ca maawala, baeluda balingile ukutantika ukuti ukwafwilisha kwingapeelwa. Ku mitubululo, pitulukeni mu makalata ya Sosaite (S-201) iya October 1, 1993, na November 1, 1992. Moneni na kabili amaparagrafu 12-20 aya ca mu kati ica Ubutumikishi Bwesu Ubwa Bufumu ubwa October 1986.

◼ Ukusefya kwa Cibukisho kukacitwa pali Cisano, April 14, 1995. Nangula ilyashi kuti pambi lyatendeka mu kubangililako, twapaapaata ibukisheni ukuti ukupishamo umukate wa Cibukisho na waini takulingile ukutendeka ukufikila pa numa ya kuwa kwa kasuba. Bebeteni na basabankanye fyebo aba cikaya ku kwishiba lintu akasuba kawa mu ncende yenu. Takuli ukulongana kumbi ukuli no kucitwa pali bulya bushiku pa mbali ya kukumana kwa mulimo wa mwi bala. Nga ca kuti icilonganino cenu lyonse cikwata ukulongana pali Cisano, kuti mwafwaya ukutwala kwene ku bushiku bumbi ubwa mulungu nga ca kuti Iŋanda ya Bufumu tayakalebomfiwa. Baeluda balecinkulwako ukutendeka mu kubangilila ukufwaya waini walinga.—Moneni ibula 2 ilya Ubutumikishi Bwesu Ubwa Bufumu ubwa March 1994.

◼ Bakasabankanya abalefwaya ukubombako nga bapainiya ba kwafwilisha mu March, April, na May balingile ukucita amapekanyo nomba no kutuma ukwipusha kwabo mu kubangilila. Ici cikafwilisha baeluda ukucita ukutantika kufwaikwa ukwa mulimo wa mwi bala no kulenga impapulo shakumanina ukubako.

◼ Kuti twatemwa ukukoselesha bonse ukucito kubombesha kwaibela ku kulaalika bonse abakasangwa ku Cibukisho ukwisasangwa ku lyashi lya cintubwingi ilyaibela ilikapeelwa umulungu umo pa numa ya Cibukisho. Ifyebo ifikapeelwa ukukonka pa kulongana kwa bulya bushiku fikabimbula bene na bamunyina mu cinkumbawile ku kwenekela ukwakana mu kwananya trakiti waibela. Pa nshita imo ine, ifyebo fikalondolola impika abantu umo umo balolenkene na sho no kukabila kwa kuba aba mutima umo mu kumfwana ne Cebo ca kwa Lesa.

◼ Impapulo Ishilipo:

Chichewa: Icitabo Candi ca Malyashi ya mu Baibolo. IciFrench: Ilyo Untu Watemwa Afwa; Amabaundi volyumu ya Watchtower na Awake! aya 1993. IciNgeleshi: Sing Praises to Jehovah (Icikalamba). IciPortuguese: Ilyo Untu Watemwa Afwa. IciSwahili: Ilyo Untu Watemwa Afwa.

◼ Amakaseti Ayalipo:

Cibemba: Yehova Apususha Abeta pe Shina Lyakwe (Icilangililo). IciNgeleshi: Alubamu mu kuba na Amalembo ya ciGreek ayakumanina; Alubamu wa Amalembo ya ciHebere—Volyumu 2.

◼ Amakaseti ya Video Ayalipo:

IciNgeleshi: Jehovah’s Witnesses—The Organization Behind the Name; Purple Triangles.