OCTOBER 5-11
YEREMIA 40-41
Ulwimbo 33 ne Pepo | Amashiwi ya Kutendekelapo (1 min.)
1. Bushe Lyonse Yehova Alacingilila Ababomfi Bakwe nga Balefwaya Ukubepaya?
(10 min.)
Yehova alicingilile Yeremia ilyo balefwaya ukumwipaya (Yer. 40:2-4; jr ibu. 189 para. 16)
Nangu ca kuti Gedalia ali uwa cishinka kuli Yehova, Yehova tamucingilile ku balefwaya ukumwipaya (Yer. 41:1, 2; it “Gedalia” Na. 4)
Tatwenekela ukuti lyonse Yehova akulatucingilila ku mafya, amalwele nelyo imfwa (cl amabu. 72-73 amapara. 13-14)
IFYA KUTONTONKANYAPO: Bushe muno nshiku Yehova atucingilila shani ifwe umo umo?—Amapi. 4:5, 6; 1 Tes. 5:14.
Yehova abomfya icilonganino cakwe pa kutucingilila nga twaba na mafya
2. Ukufwayafwaya Icuma Icaba mu Cebo ca kwa Lesa
(10 min.)
Yer. 40:12 —Bushe ili ilembo lilenga shani twashininkisha ukuti Yehova alipeele abantu bakwe icalo icisuma ico Baibo yalandapo pa Amalango 8:6-8? (w06 6/15 ibu. 16 para. 4)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Yer. 40:1-10 (th isambililo 2)
4. Ifyo Mwingatendeka Ukulanshanya
(2 min.) KU NG’ANDA NE NG’ANDA. (lmd isambililo 2 icishinka 3)
5. Ifyo Mwingatendeka Ukulanshanya
(2 min.) UBUNTE BWA MU LYASHI. (lmd isambililo 2 icishinka 5)
6. Ifyo Mwingatendeka Ukulanshanya
(4 min.) UBUNTE BWA KU CINTUBWINGI. Umuntu alelolesha pali ka standi ka mpapulo. (lmd isambililo 5 icishinka 3)
7. Ukulondolola Ifyo Mwasuminamo
(3 min.) Icilangililo. ijwbq icipande 103—Umutwe: Bushe Yehova Nani? (th isambililo 17)
Ulwimbo 17
8. Yehova Alacingilila Bamukamfwilwa
(15 min.) Ukulanshanya.
Imfumu Davidi yalandile ukuti Yehova ni Lesa “uucingilila bamukamfwilwa.” (Amalu. 68:5) Mu Baibo mwaliba amalyashi ayengi ayalanga ukuti Yehova alibika amano kuli bamukamfwilwa.
Bomfyeni ifya kutwafwa ukusanga ifyebo ifyabako mu lulimi lwenu, lyena fwayeni ilyashi limo nelyo yabili aya mu Baibo ayalanda pali bamukamfwilwa. Finshi mwasambilila kuli aya amalyashi pa fyo Yehova atemwa bamukamfwilwa ne fyo abacingilila?
Nga ca kuti nimwe bamukamfwilwa, muleibukisha ukuti Yehova alishiba bwino ifyo mumfwa ne fyo mukabila. Akulamucingilila no kumwafwa nga filya ayafwile bamukamfwilwa abengi abaliko kale e lyo ne fyo afwa bamukamfwilwa muno nshiku.
Tambeni VIDIO itila Ifingalenga Mwaleka Ukuba Sana no Bulanda nga Mwafwilwa Abena Mwenu. Lyena ipusheni ibumba aya mepusho:
Finshi mwasambilila muli vidio pa fyo Yehova asakamana bamukamfwilwa muno nshiku?
Ukucindika bamukamfwilwa e lyo no kubafwilisha, cintu icacindama ico fwe Bena Kristu ba cine tufwile ukulacita. (Yako. 1:27; “Ulebika amano kuli,” ifyebo fya kutwafwa ukusambilila pali 1 Tim. 5:3, nwtsty)
Finshi tufwile ukucita pa kulanga ukuti twalicindika bamukamfwilwa?
9. Isambililo lya Baibo Ilya pa Cilonganino
(30 min.) wcg icipa. 11