IFYO FWE BENA KRISTU TULINGILE UKULAIKALA

‘Umulume Wakwe Alishibikwa pa Mpongolo’

Umukashi wa mano taseebanya umulume wakwe. Mu nshita ya Mfumu Lemuele, umulume uwakwete umukashi wa mano ‘aleishibikwa pa mpongolo.’ (Amapi. 31:23) Muno nshiku, abaume abo bacindika ni baeluda e lyo bambi babomfi batumikila. Nga balyupa, pa kuti babombe pali bueluda nelyo pa butumikila, abakashi babo balingile ukuba ne mibele iisuma e lyo no kulabatungilila. (1 Tim. 3:4, 11) Abanakashi aba mano kabili ababa ifi, balacindikwa sana ku balume babo e lyo na ku ba mu cilonganino.

Umukashi wa mano alabomfya amashiwi ya cikuuku nga alelanda no mulume wakwe, alasakamana abana ilyo umulume wakwe alebomba imilimo ya cilonganino, kabili alashita ne fya kulya

Umukashi uwa mano alafwa umulume wakwe ukubomba pali bueluda nelyo pa butumikila nga . . .

alemukoselesha ukubomfya amashiwi ya cikuuku.—Amapi. 31:26
alemutungilila ilyo alebomba imilimo ya cilonganino.—1 Tes. 2:7, 8
talefusha imitabotabo.—1 Tim. 6:8
talemwipusha pa fya nkama ifya cilonganino.—1 Tim. 2:11, 12; 1 Pet. 4:15