Imikalile ya Bwina Kristu no Mulimo Tubomba—Akatabo ka Kubomfya pa Kulongana—2025 | May

MAY 12-18

AMAPINDA 13

Ulwimbo 34 ne Pepo | Amashiwi ya Kutendekelapo (1 min.)

ICUMA ICABA MU CEBO CA KWA LESA

1. Mwilabepwa ku “Nyali ya Bacita Ifyabipa”

(10 min.)

Abacita ifyabipa tabakwata isubilo (Amapi. 13:9; it-2-E ibu. 196 amapara. 2-3)

Mwilaba pamo na bantu abalenga ifyabipa fyalamoneka kwati fisuma (Amapi. 13:20; w12 7/15 ibu. 12 para. 3)

Yehova alapaala abalungama (Amapi. 13:25; w04 7/15 ibu. 31 para. 6)

Ifikope: Ifyabipa ifyo umwaume uushili Nte asalapo ukucita ne fisuma ifyo ba Nte babili basalapo ukucita. 1. Umwaume alecinda mu cikuulwa ca bwalwa ninshi naikata na kapu ya bwalwa. 2. Umwaume umo wine nalwala kabili alenwa umuti. 3. Bamunyinefwe na bankashi baleangalila pamo mu nshita ya cungulo. Bamunyinefwe babili baleimba, balecinda kabili baleliila pamo. 4. Ubushiku bwakonkapo balebila imbila nsuma. — Imikalile ya bantu abafwaisha ukukwata ifintu fya muli cino calo tayawama nge fyo imoneka. Lelo bonse abacita ukufwaya kwa kwa Yehova imikalile yabo ilawama

2. Ukufwayafwaya Icuma Icaba mu Cebo ca kwa Lesa

(10 min.)

Amapi. 13:24—Finshi ici cikomo citusambilisha pa kusalapula no kutemwa? (it-2-E ibu. 276 para. 2)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amapi. 13:1-17 (th isambililo 10)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(3 min.) KU NG’ANDA NE NG’ANDA. Tendekeni ukulanshanya no muntu pe lyashi lya filecitika mu bwikashi, lyena landeni ifyebo ukufuma mu Baibo ifingalenga uyo muntu aumfwako bwino. (lmd isambililo 2 icishinka 5)

5. Ifyo Mwingatendeka Ukulanshanya

(4 min.) UBUNTE BWA MU LYASHI. Iteni umuntu ku kulongana. (lmd isambililo 2 icishinka 3)

6. Ilyashi

(5 min.) lmd ifyebo fyalundwako A icishinka 9—Umutwe: Abana Abacindika Abafyashi no Kubomfwila Ifintu Filabawamina. (th isambililo 16)

IFYO FWE BENA KRISTU TULINGILE UKULAIKALA

Ulwimbo 77

7. “Ulubuuto lwa Balungama Lulasanika Sana”

(8 min.) Ukulanshanya.

Mu Cebo ca kwa Lesa mwaliba ukwishiba na mano ayasuma. Nga twaleka ukuti ciletutungulula, ifintu filatuwamina kabili tulaba ne nsansa ishitwalilila. Nomba icalo te kuti cilenge twakwata ifi fyonse twalandapo.

Ifikope ifiifumine muli vidio itila “Abantu ba mu Calo Tabakwata Ukutemwa kwa Cine.” Nkashi Gainanshina naikala kabili alelolesha ku muulu.

Tambeni VIDIO itila Abantu ba mu Calo Tabakwata Ukutemwa kwa Cine. Lyena ipusheni ibumba ici cipusho:

Bushe ifyacitikile ba Nkashi Gainanshina filanga shani ifyo “ulubuuto lwa balungama” lwapusana ne “nyali ya bacita ifyabipa”?—Amapi. 13:9

Lembeni icasuko

Mwilapoosa inshita yenu ukulatontonkanya pa fintu fya muli cino calo nelyo ukulalanguluka ifi mwasalapo ukulabombela Yehova. (1 Yoh. 2:15-17) Lelo, mulebika sana amano ku “cuma capulamo ica kwishiba” ico mwanonka.—Fil. 3:8.

8. Ukukabila kwa Cilonganino

(7 min.)