Na kuba, Yehova nashininkisha nga nshi ukuti ubufwayo bwakwe mu kucite ci tabwingapumfyanishiwa ica kuti ilyo kucili imyaka nalimo 200 ku ntanshi, alanda pa lwa kulubulwa kwa kwa Israele kwati nalimo nakucitika kale.

 3. Kukoselesha nshi Yehova akoselesha abali no kusendwa bunkole ku ntanshi?

³ “E fyo asosa Yehova, Kalenga obe, we Yakobo, Kabumba obe, we Israele: Witiina, pantu nakulubula, nakwita mwi shina lyobe, uli wandi.

Esaya 43:1

 4. Ni mu mano nshi Yehova abela Kalenga wa kwa Israele, kabili bulayo nshi alaya abantu bakwe pa lwa kubwelela ku calo cabo?

⁴ Pali ubufwayo bwaibela Yehova akwatiile Israele pantu ulu luko lwakwe. Luko ulo umwine aipangiile ku kufishapo icipingo apingene na Abrahamu. (Ukutendeka 12:1-3) E co, Amalumbo 100:3 yatila: “Ishibeni ukuti Yehova wene e Lesa; wene e watulenga, na ifwe tuli bakwe, tuli bantu bakwe, umukuni wa bucemi bwakwe.” Apo ni Kalenga kabili Kalubula wa kwa Israele, Yehova akabwesesha abantu bakwe ku calo cabo mu mutende.

 5. (a) Bushe amashiwi ya kwa Yehova yasansamusha shani aba muli Israele wa ku mupashi? (b) Bushe abanabo ba kwa Israele wa ku mupashi ni bani, kabili aba baimininweko na bani?

⁵ Ifyebo fya kwa Yehova filasansamusha na bashalapo aba muli Israele wa ku mupashi uwa muno nshiku, abo baba “cibumbwa cipya” icafyalwa ku mupashi. (2 Abena Korinti 5:17)