“Alecushiwa”

25. Twaishiba shani ukuti Mesia aliculile no kufwa mu kuitemenwa?

²⁵ Bushe Mesia aliitemenwe ukucula no kufwa? Esaya atila: “Alecikilishiwa, alecushiwa lelo taasamwine akanwa kakwe; atwelwe nge mpaanga ku kwipaiwa, filye mpaanga nkota iswima ku cinso ca baibeya, taasamwine akanwa kakwe.” (Esaya 53:7) Pa bushiku bwa kulekelesha ubwa bumi bwakwe inshita ya bushiku, Yesu afwaya nga alyebele “bamalaika amatulwe ayacila ikumi na yabili” ukwisamwafwa. Lelo atile: “Nga kanshi yengafishiwa shani amalembo ayatila cili no kube fi?” (Mateo 26:53, 54) Lelo, “Umwana wa mpaanga wa kwa Lesa,” tacitile fikansa. (Yohane 1:29) Ilyo bashimapepo bakalamba na bakalamba bamushinine ifya bufi pa ntanshi ya kwa Pilato, Yesu “tayaswike nangu kamo.” (Mateo 27:11-14) Talefwaya kusosa icebo nangu cimo icingapumfyanya ukufwaya kwa kwa Lesa ukucitwa pali wene. Yesu aliitemenwe ukufwa kwati Mwana wa mpaanga uwapeelwa nge lambo, pantu alishibe bwino ukuti imfwa yakwe yali no kulubula abantu ba cumfwila ku lubembu, ukulwala, ne mfwa.

[Icikope pe bula 206]

“Taasamwine akanwa kakwe”

[Abatusuminishe]

Ifyebo ukufuma mu cikope ca “Ecce Homo” ica kwa Antonio Ciseri