Mulandu nshi ici cibelele icapamfye fyo? Ukusesema kwatwalilila akuti: “Mona, imfifi ikalamba ikafimba pano isonde, ne kumbi ilyafitula pa bantu na bantu, lelo Yehova [akabalikila, NW] pali iwe, ubukata bwakwe bukamonekela pali iwe.” (Esaya 60:2) Pa kuti ciwamine abali mupepi na wene abacili balepulumpunta mu mfifi, uyu “mwanakashi” afwile ‘ukubalika.’

Lelo, mu 537 B.C.E., abashalapo ba cishinka pa baYuda bankole babwelela ku Yerusalemu kabili babwesha ukupepa kwasanguluka. Kuli pele pele, Yehova alenga ulubuuto ukubalikila pa “mwanakashi,” wakwe kabili abantu bakwe ababweshiwa basanguke ntulo ya lubuuto mu nko ishaba mu mfifi ya ku mupashi.