Kabili ukoonke bele lya nko, ukoonka ne bele lya shamfumu; ku kuleka wishibe ukuti ine Yehova ndi mupusushi obe, kabili Impalume ya kwa Yakobo e kalubula obe.”—Esaya 60:15, 16.

Abantu bakwe ‘balyoonka ibele lya nko,’ ukubomfya ifibombelo fya nko mu kulundulula ukupepa kwa cine. Ku ca kumwenako, ukubomfya bwino ifya kupangapanga fya muno nshiku kwalenga ukuti amaBaibolo ne mpapulo shashimpwa pali Baibolo shilepilibulwa no kupulintwa mu ndimi ishingi. Ne ci calenga ukuti, abantu abengi nga nshi cila mwaka balesambilila Baibolo ne Nte sha kwa Yehova no kwishiba ukuti Yehova, ukupitila muli Kristu, e Mupusushi kabili Kalubula wabo.—Imilimo 5:31; 1 Yohane 4:14.