• “Kristu Maka ya kwa Lesa”
    Palameni Kuli Yehova

    • Ica kumwenako cifika pa mutima cisangwa pali Marko 7:31-37.

      19 Pali iyi nshita, amabumba yasangile Yesu no kumuletela abalwele abengi, kabili alibaposeshe bonse. (Mateo 15:29, 30) Lelo Yesu asoobwelepo umwaume umo no kumusakamana mu nshila yaibela. Uyu mwaume ali ni nkomamatwi kabili cibulubusa. Yesu afwile alimwene ukuti uyu mwaume aleumfwa umwenso ne nsoni. Yesu alimulangulukileko no kumufumya pe bumba ukuti babe ku mbali. Lyene Yesu acitile ifishibilo ku kumweba ifyo ali no kucita. “Abikile iminwe yakwe mu matwi ya muntu; kabili afwisa amate, no kumukumya ku lulimi.”c (Marko 7:33) Lyene, Yesu aloleshe mu muulu no kwisha icefu uku alepepa. Ifi Yesu acitile fyalelanga uyu mwaume ukuti, ‘Ico ndekucitila ca ku maka ya kwa Lesa.’ E lyo Yesu atile: “Komokesha.” (Marko 7:34) Awe uyo muntu atampile ukumfwa, kabili atendeke ukulanda fye bwino.

  • “Kristu Maka ya kwa Lesa”
    Palameni Kuli Yehova

    • c Ukufwisa amate yali ni nshila atemwa icishibilo ca kundapa icaishibikwe na ku baYuda na Bena fyalo, kabili ukubomfya amate mu kundapa emo kwaba na mu fyalembwa fya ba rabi. Napamo ico Yesu afwishile ni ku kulanga fye uyo muntu ukuti alaundapwa. Lelo icishinka cili ca kuti, Yesu talebomfya amate nge ca kundapilako.