Pantu kuli Lesa twaba nge cena icinunkila bwino ica mbila nsuma iibilwa pali Kristu iyo abaleya kwi pusukilo na baleya ku bonaushi bomfwa; ku baleonaika ici cena citwala ku mfwa, e lyo ku balepusuka citwala ku mweo.”—2 Abena Korinti 2:14-16.

Icitabo ca The International Standard Bible Encyclopedia calanda ukuti iyi nsoselo ya kuti “icena icinunkila bwino ica mbila nsuma iibilwa pali Kristu,” iyalola mu kuti bamo bakaba no mweo e lyo bambi bakafwa, “nalimo yafumine ku fyo abena Roma batemenwe ukoca ifyanunkila ilyo balesefya ukucimfya. Ukoca ifyanunkila kwalelanga ukuti abaile ku nkondo nabacimfya kabili kwaleishibisha abo basendele bunkole ukuti balabepaya.”a