Mu Kapadokia Umo Abantu Baleikala mu Mekalo Yafukulwa ku Mwela na ku Menshi

UMUTUMWA Petro alandileko pa musumba wa Kapadokia. Pa bo alembeele kalata wakwe uwa kubalilapo uwapuutwamo, pali na “balebeshi abasalanganiwa mu . . . Kapadokia.”

Ilyo imyaka ya ba200 B.C.E. yafikile, ninshi abaYuda bamo balikala mu Kapadokia. Mu mwaka wa 33 C.E. abaYuda bafumine mu Kapadokia no kuya ku Yerusalemu ku kusefya Umutebeto wa Pentekoste. E ico, ilyo umupashi wapongolwelwe, umutumwa Petro ashimikile ku baYuda bafumine ku Kapadokia. (Imilimo 2:1-9) Bamo bayankwile ku bukombe bwa kwa Petro no kubwelelamo ku mwabo ne mipepele iipya. E co Petro alembeele kalata wakwe uwa kubalilapo ku Bena Kristu ba mu Kapadokia.