7. Cinshi cingatwafwa ukuba ne cililishi, kabili bushe kuti twacita shani pa kuti tulelangulukilako bambi?

⁷ Na ifwe fwe Bena Kristu tufwile ukupashanya Yesu ukulaumfwila abantu uluse. Baibolo itukonkomesha ukuba “abalangulukilana.”b (1 Petro 3:8) Limbi te kuti mwishibe ifyo bomfwa abalwalilila nelyo abakungumana umutima, maka maka icintu ca musango uyo nga tacatucitikilapo. Nomba, mufwile mwaishiba ukuti pa kuti mube aba cililishi te kutila kano fye na imwe mwacula, awe. Yesu aleumfwila uluse abalwele nangu ca kuti ena talelwaala.