Apo alefwaisha ukonaula abantu abengi nga nshi, ‘alelufya aba pano isonde bonse.’ (Ukusokolola 12:9, 12) Satana tabepa fye limo limo. Lelo, tatuusha ilyo alebombesha ukulufya abantunse.a Abomfya inshila yonse iya bucenjeshi iyo akwata pa kuti apofwishe amatontonkanyo ya bashasumina no kubatalusha kuli Lesa. Inshila shimo isho abomfya longolo no kufutika. (2 Abena Korinti 4:4) Uyu muntu uwaishiba sana ubucenjeshi afwaisha ukulufya abapepa Lesa “mu mupashi na mu cine.” (Yohane 4:24; 1 Petro 5:8)