4:10-15

Yehova alyafwile Mose ukuleka ukutiina. Finshi twingasambilila ku fyo Yehova aebele Mose?

• Tatulingile ukubika sana amano ku fyo tushicitamo bwino

• Tufwile ukucetekela ukuti Yehova akatupeela ifyo tukabila pa kuti tukabombe umulimo atupeela

• Ukutetekela Yehova e kwingatwafwa ukuleka ukutiina abantu

Pa kubala, Mose aletwishika nga kuti abomba umulimo Yehova amupeele. (Ukufu. 4:10, 13) Bushe na imwe mwalibala amumfwapo ifi? Nalimo e lyo mulesambilila Baibolo ne Nte sha kwa Yehova kabili mulatwishika nga kuti mwabila imbila nsuma ku ng’anda ne ng’anda. Nelyo muli bacaice kabili mulomfwa umwenso ukushimikila abanenu pa sukulu. E lyo limbi mulomfwa umwenso ukubila ku cintubwingi nelyo pa foni. Ifi nga e fyo mumfwa, mulelomba Yehova ukuti alemupeela umupashi wa mushilo. (1 Pet. 4:11) Mufwile ukucetekela ukuti Yehova akamwafwa ukubomba umulimo onse uo engamupeela.—Ukufu. 4:11, 12.