-
Ni Shani Wingasunga Aba mu Ŋanda?Icaba Inkaama ku Nsansa sha Lupwa
-
-
16, 17. (a) Lifunde nshi ilyapeelwe na Yehova ilyacingilile abena Israele ku malwele yamo yamo? (b) Ni shani fintu icishinte ca pa Amalango 23:12, 13 cingabomfiwa mu mayanda yonse?
16 Languluke ca kumwenako na cimbi. Mupepi ne myaka 3,500 iyapitapo, Lesa apeele uluko lwa Israele Ifunde lyakwe pa kuti bengateyanya ukupepa kwabo kabili, lyakumishe na ku mikalile yabo iya cila bushiku. Ifunde lilya lyayafwilishe ukucingilila lulya luko ku malwele pantu lyabikileko amafunde yamo ayaanguka aya busaka bwa ku mubili. Ifunde limo ilya musango yo lyakumine ku kupoosa ubusali bwalefuma mu bantunse, ubwali no kushiikwa bwino ukutaluka ku nkambi pa kuti incende ukwaleikala abantu taisafiwe. (Amalango 23:12, 13) Lilye funde lya pa kale na nomba line lyaliba kufunda ukusuma. Nangu fye ni lelo abantu balalwala no kufwa pa mulandu wa kuti tabalikonka.a
-
-
Ni Shani Wingasunga Aba mu Ŋanda?Icaba Inkaama ku Nsansa sha Lupwa
-
-
a Mu citabo icilangilila ifya kusengauka ukupolomya—ubwaba bulwele bwaseeka ubulenge mfwa sha bana—World Health Organization alondololo kuti: “Nga tapali icimbusu: mulepaasukila ukutali ne ŋanda, kabili ukutaluka uko abaice bangalila, kabili ukutaluka uko batapa amenshi ukukanacepako pali bamita 10; shikeni pa busali ne loba.”
-