-
Alilandiileko Abantu ba kwa LesaPashanyeni Icitetekelo Cabo
-
-
22. Mulandu nshi Estere aletiinina ukuyamonana no mulume wakwe, imfumu? (Moneni na futunoti.)
22 Estere afwile alitiinine sana ilyo aumfwile aya mashiwi. Kabili nomba e lyo icitetekelo cakwe caeshiwe sana. Ali no mwenso nga nshi, kabili amashiwi ayaswike Mordekai e yalanga. Estere aibukisheko Mordekai ukuti ifunde lya mfumu lyali lya kuti umuntu alingile ukwipaiwa nga aya ku mfumu ukwabula ukumwita. Kano fye nga ca kuti imfumu yamutambika inkonto ya golde e lyo engapusuka. Bushe kwali icali no kulenga Estere ukucetekela ukuti tabakamwipaye maka maka nga atontonkanya pa fyacitikile namfumu Bashti ilyo akeene ukuya ku mfumu ilyo yamwitile? Aebele Mordekai ukuti imfumu tayamwitilepo pa nshiku 30! Ifi imfumu ishamwitile pali ishi nshiku nalimo fyalengele aletontonkanya ukuti iyi mfumu iyalealuka-aluka yalimusuulile.e—Estere 4:9-11.
-
-
Alilandiileko Abantu ba kwa LesaPashanyeni Icitetekelo Cabo
-
-
e Xerxes I aishibikwa ukuti alealuka-aluka kabili alefulwa icabipisha. Kalemba wa lyashi lya kale umuGriki Herodotus alembele pa fintu fimo ifyo Xerxes acitile ilyo alelwa na baGriki. Imfumu yaebele abantu ukupanga ubulalo pali bemba wa Hellespont. Ilyo imfula yaonawile ubulalo, Xerxes afumishe icipope ca kuti bonse abapangile ubulalo babaputuleko imitwe kabili aebele ababomfi ukukamya amenshi apali ubulalo ninshi baletukana ne nsele. Pali iyi yine nshita, ilyo umuntu umo umukankaala alombele ukuti umwana wakwe bemusenda ku bushilika, Xerxes aputwile uyu mulumendo pa kati, kabili icitumbi cakwe balecilangisha ku bantu pa kuti abantu belakaana ukwingila ubushilika.
-