-
Muletasha pa Bumi Lesa AmupeelaKuti Mwaba ne Nsansa Umuyayaya!—Icitabo ca Kusambililamo Baibolo
-
-
2. Kuti twalanga shani Yehova ukuti tulatasha pa bumi ubo atupeela?
Yehova atendeke ukumubikako amano ukutula fye ilyo mwali mwi fumo. Mwi pepo Davidi apepele ilyalembwa mu Baibo, atile: “Mwalimwene ilyo nalepangwa.” (Amalumbo 139:16) Yehova amona ukuti ubumi bwenu bwalicindama nga nshi. (Belengeni Mateo 10:29-31.) Kanshi alomfwa sana ububi nga ca kuti umuntu ku mufulo fye aipaya umuntu munankwe nelyo ayipaya.a (Ukufuma 20:13) Na kabili Yehova alomfwa sana ububi nga ca kuti ku mufulo fye twacita ifingalenga twaba mu busanso nelyo abantu bambi baba mu busanso. Nga tulesakamana bwino ubumi bwesu kabili tulecindika no bumi bwa bantu bambi, ninshi tulelanga ukuti tulatasha pa bumi ubo Lesa atupeela.
-
-
Muletasha pa Bumi Lesa AmupeelaKuti Mwaba ne Nsansa Umuyayaya!—Icitabo ca Kusambililamo Baibolo
-
-
a Yehova alibika sana amano ku baba no bulanda. (Amalumbo 34:18) Aleshiba icilenga umuntu alaumfwa sana ububi ica kuti alafwaya no kuipaya, kabili alafwaya ukumwafwa. Pa kuti mumone ifyo Lesa engafwa umuntu ukuleka ukutontonkanya pa kuipaya, belengeni icipande cileti “Bushe Baibolo Kuti Yamwafwa nga Mulefwaya Ukuyipaya?” icili apaleti “Ishibilenipo na Fimbi” muli lino line isambililo.
-