17. Myendele nshi iya bubifi iyasenukwa mu kalanda ka kubalilapo Esaya abilisha?

¹⁷ Mu Esa 5 cikomo 8, Esaya nomba taleambula amashiwi ya kwa Yehova. Pa kusenuka “imyangashi ya mpanga” iyatwala mu Yuda, Esaya wine e wabilisha akalanda ka kubalilapo pa bulanda 6 ati: “Kalanda ku batitikanye ng’anda ne ng’anda, abatitikanye mpanga ne mpanga, kwasuka kwabula kabili incende, na imwe mwalengwo kwikala mweka mu kati ka calo. Yehova wa milalo alapila mu matwi yandi, ati, Cine cine amayanda ayengi yakabe capomonwa, ayakalamba yasuma yakabo mushaba mwikashi. Pantu baekare ikumi be bala lya myangashi bakatwala bati umo, ne mbuto sha omere shikatwala efa.”—Esaya 5:8-10.

¹⁹ Yehova alaya ukuti akapokolola aba bafunushi ifyuma banonka mu bucenjeshi. Amayanda bapokolola yakabo “mushaba mwikashi.” Impanga bakumbwa tayakameshe ukufika apo ingapesha. Tacalondololwa ifyo ici citiipu cili no kucitika ne nshita cikacitika. Kwena, cilemoneke fyo ulubali lumo lulelanda pa mibele ya ku ntanshi iyali no kwisako ku mulandu wa bunkole bwa ku Babele.—Esaya 27:10.