Ubumi bwa kwa Yesu no Butumikishi

Ukushikitika pa Cimuti

CAPAMO na Yesu ifipondo fibili filetungululwa ku kuputunkanishiwa. Te patali sana ukufuma mu musumba, umulongo waiminina pa cifulo iciitwa Golgota, nelyo Ukwa Cipanga.

Abafungwa bafuulwa amalaya yabo. Lyene umwangashi uwatumbinkanishiwamo na muri wapayanishiwa. Mu kumonekesha upekanishiwe na banakashi ba ku Yerusalemu, kabili abena Roma tabalekaana uyu sumu wa kunasho bukali kuli abo abapopeelwe. Nangu cibe fyo, lintu Yesu ausonda, akaana ukunwa. Mulandu nshi? Mu kushininkisha alefwaya ukukwata amaka yakwe yonse aya kutontonkanya mu kati ka ubu bwesho bwapulamo ubwa citetekelo cakwe.

Yesu nomba abikwa pa cimuti mu kuba na maboko yakwe pa mulu wa mutwe wakwe. Ifita lyene fyapoopa inshinga shikalamba mu minwe yakwe na mu nkasa shakwe. Anyunsuluka mu kuba no kukalipwa ilyo inshinga shapekesula umunofu no bukukutila. Lintu icimuti caolololwa pa mulu, ukukalipwa kwabipisha, pantu ukufina kwa mubili kwalepula pa filonda fya nshinga. Nalyo line, ukucila ukubatiinya, Yesu apepela ifita fya bena Roma ukuti: “Tata, mubalekelele; pantu tabeshibe ico balecita.”

Pilato abika pa cimuti icishibilo icilebelengwa ukuti: “Yesu Umwina Nasarete Imfumu ya baYuda.” Mu kumonekesha, alemba ici te pa mulandu fye wa kuti alecindika Yesu lelo pa mulandu wa kuti aselaushiwa kuli bashimapepo ba ciYuda pa kuti bapatikishe ubupingushi bwa mfwa ya kwa Yesu ukufuma kuli ena. Pa kuti bonse bengabelenga ici cishibilo, Pilato acilemba mu ndimi shitatu—mu ciHebere, mu lulimi lwa bulashi ulwa ciLatin, na mu ciGreek caseekele.

Bashimapepo bakalamba, ukusanshako Kayafa na Anasi, batiinishiwa. Uku kubilisha kwashininkishiwa kwaonaula iawala lyabo ilya kucimfya. E ico bailishanya ukuti: “Mwilemba, amuti, Imfumu ya baYuda; lelo lembeni, amuti, Uyu atile, Ndi Mfumu ya baYuda.” Uwakalifiwa pa kuti abombele nge ca kubomfiwa fye ca bashimapepo, Pilato ayasuka mu kuba ne misuula yapampamikwa ukuti: “Ico nembele ninemba.”

Bashimapepo, capamo ne bumba ilikalamba, nomba balongana pa cifulo ca kuputunkanya, kabili bashimapepo baesha ukusuusha ubunte bwa cishibilo. Babwekeshapo ubunte bwa bufi ubwapeelwe mu kubangilila pa kulubulwisha kwa mu Cilye Cikalamba. Mu kukanapapushiwa, kanshi, abapita nshila batendeka ukulanda mu miponto, ukupukunya imitwe yabo mu kupumya no kusoso kuti: “We wakonaule tempele, no kulikuula mu nshiku shitatu, uituule, nga uli Mwana wa kwa Lesa. Ika ku [cimuti ca kucushiwilwako, NW].”

“Atuulile bambi, lelo afilwo kuituula umwine.” bashimapepo bakalamba na banabo ba butotelo bailundako. “Ni mfumu ya kwa Israele! Eke nomba ku [cimuti ca kucushiwilwako, NW]; e lyo tulemutetekela! Atetekela Lesa! Amupokolole nomba, nga alimutemwa; pantu asosele, ati, Ni ne Mwana wa kwa Lesa.”

Ukwikatwa muli uyo mupashi, ifita na fyo fyacita imipuulwe kuli Yesu. Mu kupumya bamutambika umwangashi wakantuka, mu kumonekesha ukuubika fye pa milomo yakwe iyauma. “Nga uli mfumu ya baYuda,” e fyo batumfya, “uituule we mwine.” Nangu fye fipondo—umo uupopelwe ku kulyo kwa kwa Yesu, na umbi ku kuso kwakwe—fyamupumya. Citontonkanye! Umuntu wakulisha uwabalile ekalako umumi, ee, umo uwayakene na Yehova Lesa mu kubumba ifintu fyonse, ku mupampamina acula umusebanya onse uyu!

Ifita fyabuula amalaya ya kwa Yesu no kuyakanya mu fipimfya fine. Bapendula ukumona uwali no kuba umwine. Umwingila, nangu cibe fyo, uli muntalundwa wapikwa, ukuba uwa musango waumo mutengo. E co ifita fyasoshanya ukuti: “Twiulepula, lelo tupendule, tumone umwine ni ani.” Muli fyo, mu kukanaishiba, bafikilishe ilembo ilitila: “Bayakene amalaya yandi, kabili bapendwilile pa ca kufwala candi.”

Mu nshita, umo uwa fipondo aisa ku kutesekesha ukuti mu cine cine Yesu afwile ukuba imfumu. E ico, ukushimaula umunankwe, asoso kuti: “Bushe iwe tauletiina Lesa, ico uli mu kusekwa kumo kwine? Kabili ifwe cena cintu calungama; pantu tulepokelele cilambu iciyene ne fyo twacitile. Lelo uyu tacitile icishiyene nakalya.” Lyene alanda kuli Yesu, ukulomba ukuti: “Munjibukishe ilyo mukesa mu bufumu bwenu.”

“Icine cine ndekweba [ilelo, NW],” Yesu ayasuka, “nati, [ukaba, NW] na ine mu Paradise.” Ubu bulayo bukafikilishiwa lintu Yesu ateka nge Mfumu mu mulu no kubuusha iyi ncitatubi yalapila ku bumi pe sonde mu Paradise iyo bakapusunsuka ba Armagedone na banabo bakaba ne shuko lya kulima. Mateo 27:33-44; Marko 15:22-32; Luka 23:27, 32-43; Yohane 19:17-24.

◆ Mulandu nshi Yesu akanina ukunwa umwangashi watumbinkanishiwamo na muri?

◆ Mulandu nshi, mu kumonekesha, icishibilo cabikilwa pa cimuti ca kwa Yesu, kabili kukabushanya nshi ukwalundwako catendeka pa kati ka kwa Pilato na bashimapepo bakalamba?

◆ Musebanya nshi uwalundwako uo Yesu apokelela pa cimuti, kabili cinshi mu kushininkisha cacincisha wene?

◆ Ni shani fintu ubusesemo bwafikilishiwa mu cacitika ku malaya ya kwa Yesu?

◆ Kwaluka nshi umo uwa fipondo acita, kabili ni shani fintu Yesu akafikilisha ukwipusha kwakwe?