Lelo kwali na fimbi ifyacitike. “Umuulu waliswike.” Bushe ici calolele mwi? Cifwile calolele mu kuti, ilyo Yesu abatishiwe, alibukishe ifyo ali ku muulu ilyo ashilaisa pano calo. E ico Yesu alibukishe ukuti ilyo ashilaisa pano calo aleikala ku muulu, kabili alibukishe ne cine ico Wishi, Yehova Lesa amusambilishe.

Ilyo Yesu bamubatishe kuli Yohane, tapapitile na nshita, umupashi wa kwa Lesa wamutungulwile mu matololo ya Yudea. Alikwete ifingi ifya kutontonkanyapo. Ilyo Yesu abatishiwe, “umuulu waliswike.” (Mateo 3:16) Ici calengele ebukishe ifyo asambilile ne fyo alecita ilyo ali ku muulu. Kanshi fingi aletontonkanyapo!