-
Mulekoselesha Bankashi Mwaba Nabo mu CilonganinoUlupungu (Ulwa Kusambililamo)—2020 | September
-
-
Nga filya Yesu alecita, kuti twalanga ukuti twalibika amano kuli bankashi ababombela Lesa ne cishinka (Moneni paragrafu 6 ukushinta ku 9)e
6. Nga fintu Baibolo ilanda pali Luka 10:38-42, bushe Yesu aafwile shani Marita na Maria?
6 Yesu aleba pamo na banakashi abalebombela Lesa, kabili ali ni cibusa wa cine kuli bena. Tontonkanyeni pali bucibusa Yesu akwete na Maria na Marita, nalimo abali abashimbe. (Belengeni Luka 10:38-42.) Ukwabula no kutwishika, ifyo Yesu alelanda ne fyo alecita fyalilengele baleumfwa bwino ukuba pamo nankwe no kumweba ifyo baleumfwa. Maria ali musambi wa kwa Yesu kabili tatiinine ukwikala ku makasa yakwe ilyo alesambilisha.c Ilyo Marita afulilwe pa mulandu wa kuti Maria talemwafwako ukupekanya ifya kulya, taumfwile umwenso ukweba Yesu ifyo aletontonkanya. Yesu alisambilishe aba abanakashi amasambililo ayacindama. Na kabili alilangile ukuti alibikile amano kuli aba abanakashi na ndume yabo Lasaro, ilyo alebatandalila na pa nshita shimbi. (Yoh. 12:1-3) Kanshi ilyo Lasaro alwele sana, Maria na Marita balishibe ukuti Yesu kuti abafwa.—Yoh. 11:3, 5.
-
-
Mulekoselesha Bankashi Mwaba Nabo mu CilonganinoUlupungu (Ulwa Kusambililamo)—2020 | September
-
-
c Icitabo cimo citila: “Abasambi baleikala ku makasa ya kwa kasambilisha wabo. Ico balecitila ifi ni co baleipekanishisha ukuba bakasambilisha. Nomba abanakashi tababasuminishe ukuba bakasambilisha. Kanshi abaYuda abaume abengi balipapile ukumona Maria naikala ku makasa ya kwa Yesu kabili alekutikisha ifyo Yesu alesambilisha.”
-