Ni bani Yesu aebele ukuti mulefwaya Ubufumu bwa kwa Lesa? Yesu atile bantu abanono aba cishinka abetwa ukuti, “umukuni unono.” Pa numa calishibikwe ukuti baba 144,000. Mapaalo nshi bakapokelela? Yesu abebele ukuti: “Shinwe afwaya ukumupeela Ubufumu.” Aba tababika amano ku kukwata ifyuma pe sonde ifyo abapuupu bengeba. Lelo bafwaisha “icuma icishingapwa ica mu muulu,” umo bakayaba ishamfumu pamo na Kristu.—Luka 12:32-34.

Yesu atile abakayaikala ku muulu, ni balya fye ababa mu “mukuni unono.” (Luka 12:32) Lelo abakekala ku muulu bafwile ukutasha sana pali ili ishuko. Na kuba Yesu asosele no kuti abakateka mu Bufumu balingile ukuba abaiteyanya.