• Baibo Citabo Umwaba Amashiwi Ayo Lesa Atulembela
    Kuti Mwaba ne Nsansa Umuyayaya!—Icitabo ca Kusambililamo Baibolo

    • 6. Icitabo ca bantu bonse

      Ukufuma fye na kale, Baibo e citabo ico bapilibula mu ndimi ishingi kabili ico basabankanya sana. Belengeni Imilimo 10:34, 35, lyena lanshanyeni aya amepusho:

      • Mulandu nshi Lesa afwaila ukuti Icebo cakwe cipilibulwe mu ndimi ishingi kabili cisabankanishiwe sana?

      • Finshi mwatemwapo sana pa fyo twalandapo pali Baibo?

      Abantu aba mishobo iyalekanalekana kabili aba mu fyalo ifyapusanapusana balebelenga Baibo mu lulimi lwabo.

      Mupepi na

      Bantu Bonse

      mwi sonde lyonse

      kuti babelenga nelyo ukukutika ku fyaba mu Baibolo mu lulimi baishiba

      E ko yaba mu ndimi ukucila

      3,000

      yonse nelyo mu fiputulwa

      AmaBaibolo ayo bapulinta yaba nalimo

      5,000,000,000

      takwaba icitabo ico bapulinta sana nga Baibolo

      ABANTU BAMO BATILA: “Baibo libuuku fye ilyo abantu balembele kale sana.”

  • Mulecita Ifingalenga mu Cilonganino Mwaba Umutende
    Kuti Mwaba ne Nsansa Umuyayaya!—Icitabo ca Kusambililamo Baibolo

    • 4. Mwilaba na kapaatulula

      Tulafwaya ukutemwa aba bwananyina bonse. Lelo nalimo kuti catukosela ukutemwa umuntu pa mulandu ne nkulilo, intambi akonka, nelyo icalo afumako. Cinshi cingatwafwa ukukanaba na kapaatulula? Belengeni Imilimo 10:34, 35, lyena lanshanyeni aya mepusho:

      • Yehova afwaya abantu ba misango yonse baba Inte shakwe. Bushe ukwishiba ifyo Yehova amona abantu kufwile ukutulenga twalamona shani abantu abafuma ku fyalo fimbi abo twapusana nabo inkulilo nelyo intambi?

      • Finshi abantu bacita ku ncende mwikala ifilanga ukuti baliba na kapaatulula?

      Belengeni 2 Abena Korinti 6:11-13, lyena lanshanyeni ici cipusho:

      • Kuti mwacita shani pa kuti muletemwa aba bwananyina bonse?