Watchtower LAIBRARE YA PA INTANETI

‘Balandile Ukwabula Umwenso Pantu Yehova Alibapeele Amaka’

Ukulabila Sana pa Bufumu bwa kwa Lesa
- 8. Mulandu nshi Paulo na Barnaba bafumine mu Ikonia, kabili cinshi twingasambililako ku fyo bacitile?
  
  ⁸ Ilyo papitile inshita, abapatile imbila nsuma mu Ikonia bapangile ukupoola Paulo na Barnaba amabwe. Ilyo aba bamishonari babebele ifyo balepanga ukucita, basalilepo ukufuma mu musumba ukuyashimikila ku fifulo fimbi. (Imil. 14:5-7) Ifi fine e fyo bakabila ba Bufumu bacita na pali ino nshita. Ilyo abantu batubepesha ubufi, tulalanda ukwabula umwenso. (Fil. 1:7; 1 Pet. 3:13-15) Nomba nga ca kutila abantu balepanga ukutupuma, tatufwaya ukubika ubumi bwesu nelyo ubwa Bena Kristu banensu mu kapoosa mweo.—Amapi. 22:3.

‘Balandile Ukwabula Umwenso Pantu Yehova Alibapeele Amaka’

Ukulabila Sana pa Bufumu bwa kwa Lesa
- Ikonia yali pa kati ka musumba wa Lukaonia no musumba wa Frugia. Iyi imisumba yonse yali mu citungu ca Galatia. Bakalemba ba kale bamo pamo nga Cicero na Strabo baleita umusumba wa Ikonia ati umusumba wa mu Lukaonia, na kuba ca cine uyu musumba wali mu Lukaonia. Lelo ibuuku lya Imilimo lyena litila umusumba wa Ikonia walipusene no musumba wa Lukaonia umo balelanda ululimi lwa “cina Lukaonia.” (Imil. 14:1-6, 11) Uyu e mulandu abalengulula Baibo balelandila ukuti ifyo ibuuku lya Imilimo lyalanda te fya cine. Nangu cibe fyo, mu 1910 abashula ifintu mu mushili basangile ifipapatu mu musumba apalembelwe ukuti ululimi lwa bena Frugia e lo balebomfya mu Ikonia pa myaka 200 ninshi Paulo na Barnaba balitandalila kale ulya musumba. Kanshi uwalembele ibuuku lya Imilimo talubile pa kulanda ukuti umusumba wa Ikonia tawali pa misumba iyali mu Lukaonia.