Minggu, 8 September
Mko ma romawa mkobesya fandun fa mkokinfir kankenem insama na mkokenem pdef.—Ul. 30:19.
Insama mkofnoḇek kakyar romawa mkoḇesya fa nasur pdef ido, na mkokofen mondaḇa roi ḇesasar ma ḇekakuna. Ḇape, mko kako fandun fa mkofnoḇek si fa skara fakfuken ḇemnis radine, ’Rosai ḇefnai fa Refo idwarek ko fa kofrur roi komam ḇe roi ḇeyun marisen ma ḇepyum? Rosai ḇefasnaiḇair snar farkankin ḇero Refo nun fainda ḇesyakwar?’ (Yes. 48:17, 18) Rofyor romawa mkoḇesya simarisen seḇaptis ido, mkofnoḇek si fa skara mnis kaku fakamamar sismana rofyor sebaptis kwar. Rariso sneḇaḇir ḇyedi faro fakamamar ani? Rosai monda fainda ya? Rosai monda samswen ya? Rosai ḇefasnaḇair snar fainda ya iḇa syadibur ro samswen ḇyena? (Mrk. 10:29, 30) Fakfuken nanekam fandun fa skara mnis kaku rofyor sebaptis ḇaim. Mkofnoḇek romawa mkoḇesya fa siwasenkara roi nane, rarya ido, imḇude nari sikyar siso farkankin ro Refo ima nun fainda ḇesya kwar faro si. w17.12 18-19 ¶14, 15
Senin, 9 September
Dor sikame kuker snonsnon sena oser-oser.—Yes. 40:26.
Naek srar koswar kaku sya sḇekandera kaku snar dafduf ḇemarḇak. Eḇesesya sḇensewar fa sfaduru kina sesya ḇeḇesinan kwar sya. Ḇesesya sḇensewar fa sisewar fandandun ro ras ras faro kina sesya. Ma nkofawi ḇebor rofandu mko sino sisma roi ḇesamswen oser monda ḇa, ḇape samswen ḇebeso ro fafisuya ḇeri. Maksya monda Yahwe myamḇir kaku si, inja kwarapan rariso sneḇaḇir Ḇyeja faro Au, ḇefarmyan ḇe I snar saswar ya. (Mz. 19:1, 3, 14) Kma ḇesaswar koḇedine ifawi rosai riryakame kuker ko. Refo ikofen snar ”snonburyam mkoḇena naser karkor epen” ro I. (Mat. 10:30) Yahwe ”ifawi ras-ras ro snonkaku ḇesoasuser sya”. Inja, imarisen kofawina. (Mz. 37:18) Yahwe ifawi rosai samswen wasmaina, ma bisa ḇyuk samambraḇ wafandunna insama wasambraḇ ro samswen wasmana. w18.01 3-4 ¶1, 4
Selasa, 10 September
Tabita, wakḇoke!—Farfyar 9:40, NW.
Snar Petrus ḇyawes Tabita i, nafrur snonkaku ḇebor ro kota ani ’sikyar faro [Tuan]’. Manfamyan babo sine sifawar ankankinem ḇeḇye ḇe snonkaku ḇesesya kuker Yesus i ma Yahwe samambraḇ Ḇyedi fa ikḇawes snonkaku ḇemar kwar sya. (Farfyar 9:36-42) Snonkaku sino sisya ḇemam ro mankunsi aḇiḇer ḇesena wer. Ras oso, Manwawan Paulus isya ro fananjur sifrur ro sim ḇero ḇo ro Troas, kirine ḇero ḇar wambarek Turki. Paulus isya dun faya isof romfawru. Snonkbor oso snori Eutikhus kyain ro koḇkir ya fa ryower Paulus faya ḇyeja. Ḇape snonkbor ani ipok anenef ya ḇa, inja isapi ro sim ḇoryas syos ḇeḇekior ḇesop. Imbude Lukas iso snonkaku ḇerafa ḇemam Eutikhus i. Snar ima dokter rirya, inja ifawi snonkbor ani ḇyepar monda ḇa ma ḇyaḇir royoḇa, ḇape romawa ani imar kwar! Inja Paulus isabu rarḇaḇ. Doḇerepen Euthikus ḇo dawrepeni ma ifrur snonkaku syakam sikandor kuker doḇe, ”Ikenem.” Mujisat ine nadif kaku snonkaku ḇemam sya. ”Sisnesna naprei kam” snar sifawi snonkbor ani ryo kwar, ḇape kirine ikenem wer.—Farfyar 20:7-12. w17.12 5-6 ¶10, 11