Manurut Pian, Kena Kayapa Kaadaan Dunia Kita?

”Allah . . . pacangan mahapus samunyaan banyu mata bubuhannya, kadada lagi kamatian, kadada lagi nang baduka, atawa manangis, karna samunyaan nang bahari sudah kadada lagi.”—Wahyu 21:3, 4, Terjemahan Baru.

Kita kena marasaakan hasil gawian kita nang dibarkati.—Yesaya 65:21-23.

Kadada lagi panyakit atawa kasusahan.—Yesaya 25:8; 33:24.

Hidup bahagia salawasan lawan sabarataan nang Pian sayangi.—Mazmur 37:11, 29.

Kawa. Sadikitnya ada dua alasan:

•  Allah kawa mawujudakan janji ngintu. Dalam Kitab Suci, Allah Yehuwa haja nang digalari ”Nang Mahakuasa”, karna kuasa sidin kada babatasan. (Wahyu 15:3) Jadi, Sidin bujur-bujur kawa mawujudakan janji Sidin gasan maulah dunia ngini jadi labih baik. Kitab Suci bapadah ”Kadada nang mustahil gasan Allah.”—Matius 19:26.

•  Allah handak banar mawujudakan janji ngitu. Allah Yehuwa ”kaganangan”, wan handak banar mahidupakan urang-urang nang sudah maninggal.—Ayub 14:14, 15.

  Kitab Suci bapadah, Isa maampihakan urang garing. Kanapa? Ulihnya sidin hakun. (Markus 1:40, 41) Nang kaya Allah, Isa handak banar mambantui urang-urang nang parlu bantuan sidin.—Yohanes 5:19.

  Jadi kita kawa parcaya, Allah Yehuwa lawan Isa handak kita bahagia tarus salawasan!—Mazmur 72:12-14; 145:16; 2 Petrus 3:9.