Saam

Gi tanks tu Jehoava, kaaz hihn gud;

Fi hihn lov* laas fareva.

 2 Hoo kuda eva taak bowt aala di wandaful tingz weh Jehoava du

Er taak bowt aala di tingz weh hihn du weh dizerv prayz?

 3 Wahn persn weh aalwayz du weh rait

Ahn weh aalwayz fyaa wahn bee hapi.

Tek kayr a mi ahn reskyu mi fahn eniting weh bad,

 5 Soh dat Ah ku injai di gud tingz weh yoo du fi di peepl dehn weh yu pik,

Soh dat Ah ku rijais lang wid yu peepl,

Ahn soh dat Ah ku bee prowd fi prayz* yu lang wid yu peepl.*

 6 Wi sin jos laik wi ansesta dehn;

Wi du tingz weh noh rait ahn wi du tingz weh wikid.

Dehn neva memba di lata lov* weh yu mi shoa dehn,

Insted, dehn mi ribel gens yoo wen dehn mi deh da di Red See.

 8 Bot Gaad sayv dehn fi aana ih naym,

Ahn soh dat evribadi ku noa jos how powaful hihn powaful.

 9 Hihn gi wahn koman tu di Red See, an ih jrai op;

Hihn gaid ih peepl chroo di deepis paat a di see laik if da mi wahn dezert.*

10 Hihn sayv dehn fahn di wan weh mi hayt dehn,

Ahn reskyu dehn fahn dehn enimi.

11 Di waata swala op dehn enimi dehn,

Ahn nat wan a dehn servaiv.*

12 Afta dat, dehn staat tu ga fayt eena di pramis weh hihn mi mek;

Dehn staat tu sing fi prayz ahn.

13 Bot az kwik az dat, dehn ferget weh hihn mi du;

Dehn neva wayt fi mek hihn tel dehn weh fi du.

14 Wen dehn mi deh eena di wildanes, dehn mi selfish an onli tink bowt weh dehn mi waahnt;

Dehn put Gaad tu di tes eena di dezert.

15 Hihn gi dehn weh dehn mi aks fa,

Bot den hihn ponish dehn wid wahn terabl dizeez weh mek dehn* geh week ahn ded.

16 Di peepl eena di kyamp mi staat geh jelos a Moaziz,

Ahn dehn aalso geh jelos a Ayron, hoo hoali tu Jehoava.

17 Den di ert oapm op ahn swala Daytan

An evribadi weh mi jain op wid Abairam.

18 Wahn faiya blayz op monks di groop weh mi deh wid dehn,

Ahn faiya dischrai aala dehn wan weh mi wikid.

19 Dehn mek wahn metal stachu a wahn kyaaf da Hoareb,

Ahn dehn bow dong tu it.

20 Dehn mi prifaa fi wership di stachu a wahn animal weh eet graas

Insteda gi mee gloari.

21 Dehn ferget dat Gaad da-mi di wan weh sayv dehn,

Ahn dehn ferget bowt di miraklz weh hihn perfaam da Eejip.

22 Dehn ferget bowt aala di wandaful tingz weh hihn mi du da Ham,

An aala di amayzin tingz weh ih mi du da di Red See.

23 Hihn nayli kil owt aala dehn,

Bot Moaziz, di wan weh hihn pik fi leed Ih peepl, step een ahn bayg ahn noh fi dischrai dehn.

24 Den dehn staat tu hayt di byootiful lan;

Dehn neva ga no fayt eena ih pramis.

25 Dehn mi kip di grombl eena dehn tent;

Dehn neva lisn tu weh Jehoava mi tel dehn.

27 Hihn mi skyata dehn eena sohn ada lan,

Ahn hihn mi mek di peepl fahn di nayshanz kil owt dehn disendant dehn.

28 Den dehn jain di peepl ahn wership Bayal, di gaad a Peeyor,

Ahn dehn eet di sakrifais weh di peepl mi aafa op tu di ded.*

29 Dehn du tingz weh mek Hihn geh beks wid dehn,

Ahn hihn ponish dehn wid wahn dizeez.

30 Bot wen Finiyas get op ahn du sohnting bowt weh mi-di hapm,

Di peepl stap geh ponish.

31 Ahn Gaad mi aksep ahn az wahn raichos man,

An evri jenarayshan wahn memba weh ih mi du ahn noa dat ih raichos.

32 Wen dehn mi deh da di waata weh floa da Meriba,* dehn mi du tingz weh mek Ih geh beks wid dehn,

Ahn tingz neva gaahn gud fi Moaziz bikaaz a dehn.

33 Dehn mi mek Moaziz geh soh beks

Dat ih neva tink bowt weh ih mi-di seh tu dehn.

35 Insteda dat, dehn mi miks op wid di nayshan dehn,

Ahn dehn mi staat tu du di tingz weh di peepl fahn di nayshanz mi-di du.

36 Dehn mi kip di wership di aidol dehn,

Ahn dehndeh aidol mi en op fi bee wahn chrap fi dehn.

38 Dehn mi kip di kil dehn son ahn daata dehn weh mi inosent,

Ahn dehn mi aafa dehn op az wahn sakrifais tu di aidol dehn a Kaynan.

39 Di peepl neva kleen bikaaz a di tingz weh dehn mi du,

Ahn sayka dat dehn mi en op fi bee spirichwal prastichoot.

40 Soh Jehoava mi geh beks bad wid ih peepl dehn,

An ih mi staat tu hayt di peepl weh ih mi chooz az ih inheritans.

41 Oava ahn oava agen hihn han dehn oava tu di peepl fahn di nayshan dehn,

Soh dat di peepl weh mi hayt dehn ku rool oava dehn.

42 Dehn enimiz mi ga kanchroal oava dehn,

Ahn dehn mi chreet dehn kruwil.

43 Wahn lata taimz hihn wuda reskyu ih peepl,

Bot dehn wuda ribel gens ahn an noh lisn,

Ahn dehn wuda luk shaym bikaaz a di mistayk dehn weh dehn mek.

44 Bot hihn wuda si how dehn di sofa,

An ih wuda hyaa dehn di krai owt fi help.

45 Hihn wuda memba di kovenant* weh ih mi mek wid dehn,

Ahn bikaaz ih mi lov dehn soh moch,* ih mi feel sari fi dehn.

47 Oa Jehoava wi Gaad, sayv wi,

Reskyu wi fahn di nayshan dehn

Soh dat wi ku gi prayz tu yu hoali naym

Ahn prayz yu wid lata jai.*

48 Mek Jehoava, di Gaad a Izrel, geh aala di prayz

Fareva an eva,*

Ahn mek aala di peepl seh, “Aymen!”*